ՀՀ ԱԳՆ-ն Ազգային տոնի առթիվ շնորհավորական ուղերձ է հղել Բելգիայի կառավարությանն ու ժողովրդին

Հայաստանի Հանրապետության արտաքին գործերի նախարարությունը Ազգային տոնի առթիվ շնորհավորական ուղերձ է հղել Բելգիայի կառավարությանն ու ժողովրդին։

Այս մասին Հայաստանի արտաքին գերատեսչությունը գրառում է արել X-ի միկրոբլոգում։

«Սրտանց շնորհավորում ենք Բելգիայի կառավարությանը և ժողովրդին՝ Ազգային օրվա առթիվ։ Հիմնվելով ընդհանուր արժեքների և փոխադարձ հարգանքի վրա՝ մեր հարաբերությունները շարունակում են զարգանալ։

Հայաստանը շարունակում է հանձնառու մնալ մեր գործընկերության հետագա ամրապնդմանը՝ թե՛ երկկողմ, թե՛ Եվրամիության շրջանակներում»,-ասված է գրառման մեջ։