Հունգարիան կդադարեցնի աշխատանքային վիզաների տրամադրումը Հայաստանի, Վրաստանի և Ֆիլիպինների քաղաքացիներին
Հունգարիան ուրբաթ օրվանից կդադարեցնի աշխատանքային վիզաների տրամադրումը Հայաստանի, Վրաստանի և Ֆիլիպինների քաղաքացիներին՝ արտասահմանցի աշխատողների ներհոսքը սահմանափակելու քաղաքականության շրջանակում։ Կառավարությունը նշում է, որ արդեն երկրում գտնվող աշխատողները կկարողանան դիմել վիզայի երկարաձգման համար։
Հունգարիայի կառավարությունը ուրբաթ օրվանից կդադարեցնի աշխատանքային վիզաների տրամադրումը Ֆիլիպինների, Վրաստանի և Հայաստանի քաղաքացիներին։ Այդ մասին հայտարարել է կառավարության խոսնակ Վանդա Սոնդին՝ նշելով, որ սա արտասահմանցի աշխատողների հոսքը կարգավորելու առաջին քայլն է, մասին հայտնում է Reuters–ը։
Նոր իշխանությունները, որոնք իշխանության են եկել ապրիլի 12-ի ընտրություններից հետո, հայտարարել են, որ կխստացնեն ԵՄ-ից դուրս երկրների քաղաքացիների աշխատանքի հնարավորությունները՝ պատճառաբանելով, որ դա կարող է ճնշում գործադրել տեղական աշխատավարձերի վրա։
Ուրբաթ օրվանից կփոփոխվի այն կարգավորումը, որը թույլ էր տալիս աշխատուժի ներգրավմամբ զբաղվող ընկերություններին պարզեցված ընթացակարգով աշխատողներ ներգրավել Ֆիլիպիններից, Վրաստանից և Հայաստանից։
Միևնույն ժամանակ, արդեն Հունգարիայում գտնվող աշխատողները կկարողանան դիմել իրենց վիզաների երկարաձգման համար, իսկ նախկինում ներկայացված դիմումները կշարունակեն քննարկվել։
Կառավարությունը նշում է, որ այս փոփոխությունները երկարաժամկետ քաղաքականության առաջին փուլն են։ Սակայն երկրի խոշոր օտարերկրյա ներդրողներից մի քանիսը զգուշացրել են, որ արտասահմանյան աշխատուժի ներհոսքի ամբողջական դադարեցումը կարող է բացասաբար ազդել ինչպես ընկերությունների, այնպես էլ Հունգարիայի տնտեսության վրա։
Կարդացեք նաև
Քաղաքականություն5 հունիսի 2026
Ընդդիմությունը հավաքական ձայներով այս իշխանությանը հաղթելու մեծ շանս ունի. Ռոբերտ Քոչարյան
«Հիմա ընդդիմադիր աչքով այս ամենը տեսա, սա նոր, հետաքրքիր փորձ է, որը չի կարող ազդեցություն չունենալ իմ աշխատանքի ոճի վրա»:
Քաղաքականություն5 հունիսի 2026
«Հանրապետություն» կուսակցությունը կդիմի ԿԸՀ «Ուժեղ Հայաստանի» գրանցումը չեղարկելու հարցով
Այս քայլին կուսակցությունը դիմում է նախօրեին Հանրային հեռուստաընկերության եթերում կայացած նախընտրական բանավեճի ժամանակ վարչապետ Նիկոլ Փաշինյանի հնչեցրած հորդորից հետո։ Բանավեճի ընթացքում Փաշինյանը, դիմելով քաղաքական մյուս ուժերի թեկնածուներին, հայտարարել էր, որ կառավարող ուժն ինքնուրույն չի դիմելու հանձնաժողով, որպեսզի դա չդիտարկվի որպես պարտության վախ։
Քաղաքականություն5 հունիսի 2026
«3+3» ձևաչափը զարգանում է՝ ներառելով տարածաշրջանի երկրների, այդ թվում՝ Հայաստանը․ Գալուզին
ՌԴ ԱԳ փոխնախարար Միխայիլ Գալուզինը հայտարարել է, որ արդեն կան նախադրյալներ Վրաստանի՝ «3+3» տարածաշրջանային ձևաչափին միանալու համար՝ ընդգծելով, որ հարթակը բաց է Թբիլիսիի մասնակցության համար։