Հունգարիան՝ Վրաստանի հետ հարաբերությունների մասին

Հունգարիայի խորհրդարանական ընտրություններում հաղթած քաղաքական ուժի առաջնորդ Պետեր Մադյարը Բուդապեշտում ասուլիսի ժամանակ վրացական «Ռուսթավի 2-ի» լրագրողի հարցին ի պատասխան հայտարարել է, որ կշարունակեն լավ հարաբերությունները Վրաստանի հետ։

«Ես կցանկանայի ընդգծել, որ այն փաստը, որ Վիկտոր Օրբանը լավ հարաբերություններ ուներ որոշակի պետության հետ, չի նշանակում, որ մենք դրանք կփչացնենք։ Ես շատ ուրախ կլինեմ այցելել ձեզ Թբիլիսիում և աշխատել վրացական կողմի հետ։ Սակայն մենք չենք միջամտի այլ պետությունների ներքին գործերին, ես չեմ մտադիր ազդել ձեր երկրի ընտրությունների վրա, սա որևէ եվրոպական պետության գործը չէ և իմ ոճը չէ, իմ նպատակն է հարգել որոշակի երկրի ընտրությունը»,-հայտարարել է Պետեր Մադյարը։