Իլհամ Ալիևը «դատարկաբանություն» է որակել Հայաստան այցելող արտասահմանյան առաջնորդների հայտարարությունները

Ադրբեջանի նախագահ Իլհամ Ալիևը հերթական անգամ հանդես է եկել կոշտ հայտարարություններով՝ թիրախավորելով Հայաստան այցելող արտասահմանյան բարձրաստիճան պաշտոնյաներին և նրանց կողմից հնչեցվող աջակցության խոսքերը։

Ադրբեջանական լրատվամիջոցների փոխանցմամբ՝ Ալիևը Հայաստան այցելող և աջակցություն հայտնող առաջնորդներին անվանել է «կեղծ հերոսներ»։ Նրա խոսքով՝ այդ քաղաքական գործիչների հայտարարությունները ոչ այլ ինչ են, քան «դատարկաբանություն»։

«Այսօր որոշ արտասահմանյան առաջնորդներ, ովքեր գալիս են Հայաստան և իրենց «կեղծ հերոսների» տեղ են դնում, դեռևս 2020 թվականին իրենց երկրներում իշխանության ղեկին էին։ Թող այն ժամանակ գային ու օգնեին Հայաստանին»,- ասել է Ալիևը: