Ինչո՞ւ պետք է Հայ առաքելական եկեղեցու հետևորդները չիմանան՝ մոմի վաճառքն ինչքա՞ն շրջանառություն է ապահովում. Փաշինյան

Վարչապետ Փաշինյանը պնդում է, թե եկեղեցին ժողովուրդն է։

«Չկա եկեղեցի՝ առանց ժողովրդի, հոգևորականները եկեղեցու շատ կարևոր հատվածն են, բայց եկեղեցին, առաջին հերթին, հավատավոր հետևորդներն են»,- լրագրողների հետ զրույցում նշել է նա։

Նիկոլ Փաշինյանի համոզմամբ՝ Ամենայն Հայոց Կաթողիկոս Գարեգին Երկրորդը եկեղեցին չէ, և, որ հոգևորականները ևս պետք է հարկ վճարեն։

«Ինչո՞ւ պետք է Հայ առաքելական եկեղեցու հետևորդները չիմանան, թե մոմի վաճառքն ինչքան շրջանառություն է ապահովում, հետո ինչ են լինում այդ փողերը և այլն։ Երկրում պետք է թափանցիկություն լինի»,-ասել է նա։