Իրանը հայտարարել է Հորմուզի նեղուցի ամբողջական փակման մասին

Պարսից ծոցի ջրային ուղիների կառավարման իրանական կազմակերպությունը հայտարարել է Հորմուզի նեղուցով նավերի շարժի ամբողջական դադարեցման մասին:

«Տարածաշրջանում ԱՄՆ զինված ուժերի կողմից շարունակվող ագրեսիվ գործողությունների պատճառով Հորմուզի նեղուցով անցումը ներկայումս փակ է։

Հենց որ վերականգնվեն կայունությունն ու անվտանգությունը, ներկայացված բոլոր հայտերը կքննարկվեն հերթականության կարգով, և թույլտվությունները կտրամադրվեն աստիճանաբար», – նշված է հայտարարության մեջ։

Հորմուզի նեղուցը համարվում է համաշխարհային էներգետիկ շուկայի կարևորագույն ծովային ուղիներից մեկը, որով իրականացվում է նավթի և հեղուկացված բնական գազի զգալի մասի միջազգային փոխադրումը։