Իրանի նախագահը շնորհավորել է Նիկոլ Փաշինյանին ընտրություններում տարած հաղթանակի կապակցությամբ
Իր շնորհավորական ուղերձում Իրանի ղեկավարն ընդգծել է, որ հայաստանյան ընտրողների կողմից գործող կառավարությանը վերահաստատված վստահությունը վկայում է Հարավային Կովկասում խաղաղության, կայունության և տարածաշրջանային համագործակցության ամրապնդմանն ուղղված քաղաքական կուրսը շարունակելու ժողովրդի կամքի մասին:

Իրանի Իսլամական Հանրապետության նախագահը պաշտոնական ուղերձ է հղել Հայաստանի վարչապետ Նիկոլ Փաշինյանին՝ խորհրդարանական ընտրությունների հաջող անցկացման և «Քաղաքացիական պայմանագիր» կուսակցության հաղթանակի առթիվ, հայտնում է Հայաստանում Իրանի դեսպանատունը:
Իր շնորհավորական ուղերձում Իրանի ղեկավարն ընդգծել է, որ հայաստանյան ընտրողների կողմից գործող կառավարությանը վերահաստատված վստահությունը վկայում է Հարավային Կովկասում խաղաղության, կայունության և տարածաշրջանային համագործակցության ամրապնդմանն ուղղված քաղաքական կուրսը շարունակելու ժողովրդի կամքի մասին:
«Վստահ եմ, որ Ձեր կառավարման նոր շրջանում երկու երկրների միջև առավել ծավալուն և առավել կառուցողական համագործակցության շնորհիվ ավելի կուժեղանա և կամրապնդվի վերջին տարիներին երկու երկրների հարաբերություններում ձևավորված դինամիկ և արգասաբեր ընթացքը»,- ասված է Իրանի նախագահի ուղերձում։
Թեհրանից նաև շեշտել են, որ երկկողմ հարաբերությունների խորացումը կնպաստի ինչպես Երևանի և Իրանի շահերի ապահովմանը, այնպես էլ ամբողջ տարածաշրջանում տնտեսական զարգացմանն ու անվտանգային միջավայրի կայունացմանը։ Իրանի նախագահը խաղաղություն ու բարօրություն է մաղթել Հայաստանի բարեկամ ժողովրդին և կառավարությանը։
Կարդացեք նաև
Քաղաքականություն9 հունիսի 2026
Մեր ձայները գողացել են ու մեծ ծավալներով. Թաթոյան
Արման Թաթոյանն ահազանգում է:
Քաղաքականություն9 հունիսի 2026
ԵՄ-ն արձագանքել է Հայաստանի խորհրդարանական ընտրությունների արդյունքներին
Եվրամիությունը շնորհավորել է Հայաստանի քաղաքացիներին խորհրդարանական ընտրություններին մասնակցության համար՝ ընդգծելով ժողովրդավարական գործընթացների կարևորությունը և աջակցությունը Հայաստանի հետ համագործակցության խորացմանը։ ԵՄ-ն նաև արձանագրել է ընտրությունների արդյունքները և կոչ արել բոլոր քաղաքական ուժերին հարգել դրանք։
Քաղաքականություն9 հունիսի 2026
Վրաստանի ԱԳ նախարար. Թբիլիսին ողջունում է Հայաստան-Ադրբեջան և Հայաստան-Թուրքիա հարաբերությունների կարգավորման առաջընթացը
Բոչորիշվիլիի խոսքով՝ հարևան պետությունները պետք է հնարավորություն ունենան լիարժեքորեն իրացնել իրենց տնտեսական ու կապուղային ներուժը, ինչը հնարավոր է միայն ընդհանուր շահերի և խորացված գործընկերության հիման վրա։