Իսրայելի ԱԳՆ–ը Ֆիդանի հայտարարությունը ցեղասպանության հրահրում է որակել

Իսրայելի արտաքին գործերի նախարար Գիդեոն Սաարը Թուրքիայի արտաքին գործերի նախարար Հաքան Ֆիդանի հայտարարությունը որակել է որպես ցեղասպանության հրահրում։

Նախօրեին CNN Turk-ին տված հարցազրույցում Ֆիդանը հայտարարել է, թե Իսրայելը և նրա ժողովուրդը «իր քաղաքականությամբ և մտածելակերպով դարձել են բեռ, որը մարդկությունն այլևս չի կարող կրել»։

«Թուրքիայի արտաքին գործերի նախարար Հաքան Ֆիդանի այդ զզվելի խոսքերը ցեղասպանության հրահրման դասական օրինակ են։ Հրեա ժողովրդին «անտանելի բեռ» անվանելը պատմության ամենավատ և ամենաարյունալի ռեժիմների դասական, սարսափելի լեզուն է։ Քաղաքակիրթ աշխարհը և Թուրքիայի՝ ՆԱՏՕ-ի գծով դաշնակիցները պետք է անվերապահորեն դատապարտեն Իսրայելի ոչնչացման այս բացահայտ կոչը»,–գրել է Սաարը X-ում։