«Քաղաքացիական պայմանագիրը» որոշել է ԱԺ ղեկավար կազմի իր թեկնածուներին

ՔՊ վարչության նիստում ԱԺ համանուն խմբակցության ղեկավարի թեկնածու է ընտրվել Արուսյակ Մանավազյանը (առաջադրված էր նաև Արթուր Հովհաննիսյանը)։ Բացի այդ, վարչությունը ԱԺ նախագահի թեկնածու է ընտրել Ռուբեն Ռուբինյանին, իսկ փոխխոսնակների թեկնածուներ՝ Վահագն Ալեքսանյանին և Հայկ Կոնջորյանին։

Հունիսի 7-ին կայացած ԱԺ ընտրությունների վերջնական արդյունքներով՝ խորհրդարան են անցել երեք ուժեր. ՔՊ-ն կունենա 64 մանդատ, «Ուժեղ Հայաստանը»՝ 29, իսկ «Հայաստան» դաշինքը՝ 12 մանդատ: «Բարգավաճ Հայաստան» կուսակցությունը, 3 ընտրատեղամասերի արդյունքների անվավեր ճանաչումից հետո, ստացել է ձայների 3.9893%-ը եվ չի հաղթահարել անցողիկ շեմը։

Հունիսի 19-ին 7 քաղաքական ուժեր դիմել են Սահմանադրական դատարան՝ ընտրությունների արդյունքները չեղյալ ճանաչելու պահանջով։ ՍԴ-ում գործի դատաքննությունը մեկնարկել է հունիսի 26-ին. դատարանը որոշման համար ունի 15 օր ժամանակ։