Կանադայի վարչապետը կժամանի Երևան

Երևանում մայիսի 4-ին կայանալիք Եվրոպական քաղաքական համայնքի գագաթնաժողովին որպես հյուր մասնակցելու նպատակով՝ Եվրամիության անդամ երկրների ղեկավարների հետ միասին Հայաստան կժամանի նաև Կանադայի վարչապետ Մարկ Քարնին։ Կանադայի վարչապետը որպես հյուր կմասնակցի Եվրոպական քաղաքական համայնքի երևանյան գագաթնաժողովին: Ըստ « Արմենպրես»-ի սա առաջին դեպքը կլինի, երբ ոչ եվրոպական երկիր կմասնակցի հանդիպմանը։ 

Հրավիրված երկրներն են՝ ԵՄ 27 անդամ պետություններ, Ալբանիա, Անդորրա, Ադրբեջան, Բոսնիա և Հերցեգովինա, Կանադա, Վրաստան, Իսլանդիա, Կոսովո, Լիխտենշտեյն, Մոլդովա, Մոնակո, Չեռնոգորիա, Հյուսիսային Մակեդոնիա, Նորվեգիա, Սան Մարինո, Սերբիա, Շվեյցարիա, Թուրքիա, Ուկրաինա և Միացյալ Թագավորություն

Գագաթնաժողովի մասնակիցները կքննարկեն, թե ինչպես ավելի սերտորեն համագործակցել և համակարգել գործողությունները՝ ժողովրդավարական դիմադրողականությունը ամրապնդելու, կապակցվածությունը խթանելու և տնտեսական ու էներգետիկ անվտանգությունն ամրապնդելու համար։

Գագաթնաժողովը համանախագահելու են Հայաստանի Հանրապետության վարչապետ Նիկոլ Փաշինյանն ու Եվրոպական խորհրդի նախագահ Անտոնիու Կոշտան։