Կայա Կալլասը կրկին կոչ է արել Իրանին դադարեցնել իր ռազմական աջակցությունը Ռուսաստանին
«Ուկրաինան պաշտպանվելու իրավունք ունի»․Կալաս
X-ի իր էջում Եվրադիվանագիտության ղեկավար Կայա Կալլասը գրել է, որ կրկին կոչ է արել Իրանին դադարեցնել իր ռազմական աջակցությունը Ռուսաստանին:
«Այսօր ես հեռախոսազրույց ունեցա Իրանի արտաքին գործերի նախարար Արաղչիի հետ՝ քննարկելով Պարսից ծոցում ստեղծված իրավիճակը, ինչպես նաև Ռուսաստանի կողմից Ուկրաինայի դեմ սկսված պատերազմը, որը Մոսկվան վերջին օրերին ավելի է սրել։
Պարսից ծոցում մարտական գործողություններից հրաժարվելը կարող է միջնորդներին ժամանակ տալ՝ գտնելու դիվանագիտությանը վերադառնալու ուղին և կանխելու վերադարձը լայնածավալ պատերազմին։
Ես հստակեցրեցի, որ Թեհրանում ֆրանսիացի դիվանագետների դեմ ագրեսիան անընդունելի է։ ԵՄ բոլոր անդամ պետությունները դատապարտել են այս գործողությունները։
Ես վերահաստատեցի իմ կոչը Իրանին դադարեցնել Ռուսաստանին ցուցաբերվող ռազմական աջակցությունը։ Մոսկվան Ուկրաինայում քաղաքացիական զոհերի գնալով ավելի մեծ թիվ է պատճառում, և նրա ստացած ցանկացած մատակարարում օգնում է նրան սպանել ավելի շատ խաղաղ բնակիչների։ Ուկրաինան պաշտպանվելու իրավունք ունի»,- գրել է Եվրադիվանագիտության ղեկավար Կայա Կալլասը:
Կարդացեք նաև
Քաղաքականություն29 հուլիսի 2026
22 անշարժ գույք, միլիոնավոր դոլարներ ու պարտատոմսեր․դատախազության պահանջը Ռոբերտ Քոչարյանի նկատմամբ
Հայտնում են ՀՀ Գլխավոր դատախազությունից։
Քաղաքականություն29 հուլիսի 2026
193 անշարժ գույք. Դատախազությունը ներկայացրել է՝ ինչ են բռնագանձելու Գագիկ Խաչատրյանից
193 անշարժ գույք, որն ի թիվս այլնի ներառում է 46 բնակարան Կենտրոն վարչական շրջանում, 89 անշարժ գույք Կոտայքի մարզում:
Քաղաքականություն29 հուլիսի 2026
ՔՊ վարչությունն ընտրում է ԱԺ մշտական հանձնաժողովների նախագահներին
Օգոստոսի 2-ին՝ ժամը 10:00-ին, կգումարվի Հայաստանի Հանրապետության Ազգային ժողովի առաջին նիստը։