ԿԸՀ-ն Երևանի ավագանու մանդատ է տվել

Կենտրոնական ընտրական հանձնաժողովը (ԿԸՀ) հուլիսի 27-ի նիստում, հիմք ընդունելով Երևանի քաղաքապետի արձանագրությունները Երևանի ավագանու չորս անդամների լիազորությունները վաղաժամկետ դադարեցնելու վերաբերյալ, կազմել է արձանագրություն՝ մանդատները հաջորդ թեկնածուներին փոխանցելու մասին։

Որոշումը կայացվել է՝ ղեկավարվելով «ՀՀ ընտրական օրենսգիրք» սահմանադրական օրենքի 141-րդ հոդվածի 8-րդ մասով։

Դադարեցվել են ավագանու անդամներ Մեսրոպ Մանուկյանի, Լևոն Լևոնյանի, Միքայել Խաչատրյանի և Նատալյա Սինորյանի լիազորությունները։

Ըստ ընտրական ցուցակների հերթական հաջորդ թեկնածուների՝ մանդատները բաշխվել են հետևյալ կերպ․

• «Մայր Հայաստան» կուսակցությունների դաշինք․

  • Կարապետ Արտուշի Վարդանյան

• «Քաղաքացիական պայմանագիր» կուսակցություն․

  • Գոհար Հարությունի Սաֆարյան

  • Սերգեյ Վլադիմիրի Ապրեսյան

  • Արթուր Ռազմիկի Մայիլյան