Խախտվել է ԱՄՆ-ի և Իրանի միջև հրադադարը

Երեկ ԱՄՆ-ն և Իրանը խախտել են փխրուն հրադադարը և սկսել հարձակումներ Հորմուզի նեղուցի նկատմամբ վերահսկողություն հաստատելու համար: Այս մասին տեղեկանում ենք Reuters- ից:

Հրադադարը խախտվել է այն բանից հետո, երբ նախագահ Թրամփի հրանմանով նեղուցով անցնելու նոր ջանքեր գործադրվեցին:

Երկուշաբթի օրվա ավարտից առաջ Պարսից ծոցում գտնվող մի քանի առևտրային նավեր հայտնել են պայթյունների կամ հրդեհների մասին: ԱՄՆ-ն հայտարարել է, որ ոչնչացրել է վեց փոքր իրանական ռազմական նավ, իսկ Արաբական Միացյալ Էմիրությունների նավթային նավահանգիստը, որտեղ տեղակայված է ԱՄՆ խոշոր ռազմական բազա, հրդեհվել է իրանական հրթիռներից։

Սա անցյալ ամսվա հրադադարի մասին հայտարարությունից ի վեր ռազմական ուժ կիրառելու առաջին ակնհայտ փորձն էր՝ աշխարհի ամենակարևոր էներգետիկ նավագնացության երթուղին ապաշրջափակելու համար, ինչը, ըստ Իրանի Իսլամական հեղափոխության պահապանների կորպուսի, կարող է տեղի ունենալ միայն իրենց թույլտվությամբ:

Իրանի արտաքին գործերի նախարար Աբբաս Արաղչին ասել է, որ երկուշաբթի օրվա իրադարձությունները ցույց են տվել, որ ճգնաժամի ռազմական լուծում չկա։