Կոսմին Դինեսկուն կգլխավորի ԵՄ գործընկերության առաքելությունը Հայաստանում

Եվրամիության խորհուրդը Հայաստանում նորաստեղծ Եվրոպական միության գործընկերության առաքելության(ՀԳԱՄ / EUPM Armenia)–ի  ղեկավար է նշանակել ռումինացի դիվանագետ Կոսմին Ջորջ Դինեսկուին։ Նրա լիազորությունների նախնական ժամկետը մեկ տարի է՝ սկսած 2026 թվականի հունիսի 11-ից, այս մասին հայտնում է Եվրոպական խորհուրդը։

(ՀԳԱՄ / EUPM Armenia)–ն  ստեղծվել է Հայաստանի իշխանությունների խնդրանքով 2026 թվականի ապրիլին՝ երկու տարվա ժամկետով։ Առաքելության նպատակն է աջակցել Հայաստանի դիմակայունության և ճգնաժամային կառավարման կարողությունների ամրապնդմանը, այդ թվում՝ կիբերհարձակումների, օտարերկրյա տեղեկատվական միջամտությունների և անօրինական ֆինանսական հոսքերի դեմ պայքարում։

Դինեսկուն ավելի քան 25 տարվա դիվանագիտական փորձ ունի և մինչ այս ղեկավարել է ԵՄ գործընկերության առաքելությունը Մոլդովայում։

Նշվում է, որ (ՀԳԱՄ / EUPM Armenia)–ն առանձին կառույց է 2023 թվականին ստեղծված ԵՄ դիտորդական առաքելությունից, որը զբաղվում է Հայաստանում իրավիճակի մշտադիտարկմամբ։