Կրեմլը Փաշինյանի հայերեն ելույթը ՇՀԿ գագաթնաժողովում սադրանք չի համարում

Կրեմլը ուշադրություն է հրավիրել այն փաստի վրա, որ ՀՀ վարչապետ Նիկոլ Փաշինյանը ՇՀԿ գագաթնաժողովում հայերեն ելույթ է ունեցել:

«Ինձ համար դա տարօրինակ էր , բայց ոչ ավելին», - ասել է Ռուսաստանի նախագահի օգնական Յուրի Ուշակովը: Այս մասին գրում է ռուսական « INTERFAX»-ը:

Պատասխանելով այն հարցին, թե արդյոք Փաշինյանը սադրում է, նա ասել է. «Ինչո՞ւ սադրել։ Նա հավանաբար իմացել է, որ հայերենից այլ լեզուներ թարգմանությունը հնարավոր է, իմացել է դրա մասին, և այդ պատճառով էլ իր ելույթը հայերեն է ունեցել»։

Նա նշել է, որ նման բաներ հազվադեպ են պատահում։ «Չեմ կարծում, որ նա նախկինում երբևէ թույլ է տվել, որ դա տեղի ունենա նման հանդիպումների ժամանակ», - ասել է Ուշակովը։

Նա նաև ընդգծել է, որ հայերենը պետական ​​լեզու է։