Լինելու են և հանրահավաքներ , և փողոցային պայքար․Իշխան Սաղաթելյան

 Լրագրողների հետ զրույցում  «Հայաստան» խմբակցության պատգամավորի թեկնածու Իշխան Սաղաթելյանն ասել է, որ մանդատ վերցնելն ամենևին  չի նշանակում, որ  իրենք փողոցային պայքարից հրաժարվում են:

Նա հավելել է, որ լինելու են և հանրահավաքներ , և փողոցային պայքար և, որ  մանդատները բացարձակ կապ չունեն հանրահավաքի հետ: 

«4 օր առաջ ընդդիմադիր դաշտի մի շարք կուսակցություններ հայտարարեցին կարևոր, օրակարգային հարցերի շուրջ համախոհություն ունենալու հետ կապված:

Դա ենթադրում է, որ այդ օրակարգային կետերը պետք է բացվեն, ու այդ օրակարգերի սպասարկման շուրջ ձևավորվի ճանապարհային քարտեզ»,- ասել է Իշխան  Սաղաթելյանը: