Մարգարիտա Սիմոնյանը հայտարարել է, որ իր դեմ 3 մահափորձ է կարարվել

Ռուսական լրատվամիջոցներգրում են,  որ RT-ի գլխավոր խմբագիր Մարգարիտա Սիմոնյանը նշել է, որ չնայած մշտական ​​սպառնալիքներին և մահափորձերին, նա շարունակում է իր հասարակական գործունեությունը։

Չինաստանի Guancha լրատվական և վերլուծական պորտալի «Ընդլայնվող հորիզոններ» հաղորդմանը տված հարցազրույցում Սիմոնյանը նշել է, որ սկզբում փորձել է թաքցնել մորից առաջին մահափորձի մասին տեղեկատվությունը, որպեսզի չառաջացնի անհանգստություն, բայց այնուամենայնիվ, հետագայում իմացել է դրա մասին։

Սիմոնյանի մայրը կարծում էր, որ եթե իր դուստրը զոհվի հայրենիքը պաշտպանելիս, ինքը կհպարտանա, որ «մահացել է որպես իր երկրի հերոս», - մեջբերել է RT-ի գլխավոր խմբագիրը՝ նշելով, որ իր մտերիմ մարդու արձագանքը ցնցել է իրեն մինչև հոգու խորքը։

Նա ասում է, որ պարբերաբար սպառնալիքներ է ստանում։ Իր դեմ արդեն երեք մահափորձ է կատարվել։

Գործերից մեկը դատարանում է, և սպանությունը պլանավորողները ձերբակալվել են։ «Աշխարհն այդպիսին է», - մեկնաբանել է նա։

Սիմոնյանը հիշեցրել է, որ սկսել է որպես ռազմական թղթակից։ Նման մասնագիտությունը կապված է կյանքի համար ռիսկի բարձրացման հետ, և նա «սովոր է դրան»։