Մեկնարկել է Սամվել Կարապետյանի գործով առաջին դատական նիստը

Հակակոռուպցիոն դատարանում մեկնարկել է գործարար և «Ուժեղ Հայաստան» կուսակցության նախագահ Սամվել Կարապետյանի գործով առաջին դատական նիստը։

Նիստի սկզբում դատարանը պաշտպանական կողմի խնդրանքով արգելեց դատավարության նկարահանումն ու հեռարձակումը:

Փաստաբան Արամ Վարդևանյանը հայտարարեց` լրատվամիջոցների լուսաբանումը կարևոր է, սակայն պաշտպանությունը մտավախություն ունի, որ իշխանությունները կփորձեն դատական գործընթացը նախընտրական շրջանում օգտագործել այլ տեսանկյունից:

Նա խոստացավ դատավարության ընթացքի մասին պատշաճ կերպով տեղեկացնել լրատվամիջոցներին՝ ներողություն խնդրելով նրանցից: