Մենք երբեք չենք փոխի մեր աշխատակարգը․ Ռոբերտա Մեցոլան՝ Ալիևին

 Եվրոպական խորհրդարանի նախագահ Ռոբերտա Մեցոլան արտահերթ արձագանքել է Իլհամ Ալիևի «բոցաշունչ» ելույթին՝ ընդգծելով, որ նման քննադատությունները չեն կարող անարձագանք մնալ։

«Կարծում եմ` անհամաձայնություններ ունեցող հանդիպումները առողջ են, բայց ես կցանկանայի արագ արձագանքել՝ ընդգծելով, որ Եվրոպական խորհրդարանն ուղղակիորեն ընտրված ներկայացուցիչներով ժողովրդավարական մարմին է։ ԵԽ բանաձևերն ընդունվում են մեծամասնության կողմից, և դրանց արդյունքները գուցե անհարմարություն են ստեղծում շատերի համար, բայց մենք երբեք չենք փոխի մեր աշխատակարգը»,– ասաց Ռոբերտա Մեցոլան։