Մենք կխնդրեինք մեր հայ գործընկերներին հնարավորինս արագ որոշել, թե որ ուղղությունն են ընտրելու, ԵԱՏՄ-ում շուկաների կազմակերպումը և կարգավորման ձևերը կախված են դրանից. Պուտին

«Սա է այն ամենը, ինչ մենք խնդրում ենք, հատկապես այն բանից հետո, երբ վարչապետ Նիկոլ Փաշինյանն ինքը վերջերս հայտարարեց, որ անհրաժեշտ է համարում հանրաքվե անցկացնել այս հարցի վերաբերյալ՝ ՀՀ-ի ԵՄ-ին անդամակցության»:

Այս մասին ասել է Վլադիմիր Պուտինը  ՏԱՍՍ-ի կողմից առաջատար միջազգային լրատվական գործակալությունների ղեկավարների հետ կազմակերպված հանդիպման ժամանակ։

ՌԴ նախագահը նշել է, որ ԵԱՏՄ-ում շուկաների կազմակերպումը կախված է Հայաստանի քաղաքական կուրսից։ «Մենք կխնդրեինք մեր հայ գործընկերներին հնարավորինս արագ որոշել, թե որ ուղղությունն են ընտրելու։ ԵԱՏՄ-ում շուկաների կազմակերպումը և կարգավորման ձևերը կախված են դրանից», - ընդգծել է Պուտինը։

Պետության ղեկավարը նշել է, որ ԵԱՏՄ-ում որոշումների կայացման գործընթացը, ինչպես Եվրամիությունում, ուղեկցվում է ինտենսիվ քննարկումներով, որտեղ յուրաքանչյուր մանրուք կարևոր է։ «Ի վերջո, մենք, ինչպես ԵՄ-ում, վիճում ենք յուրաքանչյուր հարցի շուրջ։ Պարզապես անհարմար է նույնիսկ դրա մասին խոսելը. երբեմն գործընկերները բարձրացնում են իրենց ձայնը։Երբեմն նույնիսկ  յուրաքանչյուր ստորակետ կարևոր է», - բացատրել է նախագահը։