Մենք չենք մասնակցում այս ընտրություններին, որպեսզի էլ ավելի չպառակտենք ընդդիմադիր դաշտը. Սարգսյան

Ես գիտեմ, որ մենք ճիշտ աշխատանքի դեպքում կհաղթահարեինք կուսակցության համար անհրաժեշտ 4 տոկոսի շեմը, բայց ես գիտեմ նաև, որ մեզ իշխանափոխություն է պետք, մեզ չի հետաքրքում մի քանի մանդատ ունենալու հեռանկարը, այս մասին ՀՀԿ համագումարի ժամանակ հայտարարել է ՀՀ 3-րդ նախագահ Սերժ Սարգսյանը։

 Նախկին նախագահը՝ վստահեցրել է, որ անգամ ուղղակիորեն չմասնակցելով այս ընտրություններին՝ Հանրապետականը քաղաքական զարգացումների կիզակետում շարունակելու է մնալ պայքարի մեջ: «Մենք չենք մասնակցում այս ընտրություններին, որպեսզի էլ ավելի չպառակտենք ընդդիմադիր դաշտը»,- ասել է Սարգսյանը:

«Հանրապետականները և մեր համակիրները, գրեթե առանց բացառությունների, պատրաստվում են մասնակցել ընտրություններին և քվեարկել միայն ու միայն ընդդիմադիր քաղաքական ուժերի օգտին, մեր ընտրողների ձայները չեն կորելու, այլ միանալու են ընդդիամդիր ուժերին ընտրողների ձայներին»,-ասել է նա։