Մեծ Բրիտանիայի թագավոր Չարլզ III-ը և թագուհի Կամիլան Ապրիլի 27-ից 30-ը կայցելեն Վաշինգտոն, Նյու Յորք և Վիրջինիա

 Նախատեսված այցը համընկնում է ԱՄՆ-ի և Մեծ Բրիտանիայի միջև «հատուկ հարաբերությունների» համար անսովոր նուրբ ժամանակաշրջանի հետ, երբ Թրամփը բազմիցս քննադատեց Մեծ Բրիտանիայի վարչապետ Քեյր Սթարմերին և նրա կառավարությանը՝ Իրանի դեմ ԱՄՆ հարձակմանը լիարժեք աջակցություն չցուցաբերելու համար, հաղորդում է« CNN»-ը:

Պետական այցի շրջանակներում Չարլզ թագավորը ելույթ կունենա Կոնգրեսի համատեղ նիստում և կհանդիպի Թրամփի հետ:

ԱՄՆ ժամանելուն պես Չարլզը և Կամիլան մասնավոր հանդիպում կունենան Թրամփի և առաջին տիկին՝ Մելանյա Թրամփի հետ:

Կլինի նաև պետական ​​ընթրիք և զոհված զինվորների հիշատակին նվիրված արարողություն:

Պաշտոնյաները կմասնակցեն նաև  ԱՄՆ-ի և Մեծ Բրիտանիայի միջև մշակութային և տնտեսական կապերը ընդգծելու նպատակով կազմակերպված միջոցառումների, այդ թվում՝ երկու երկրների գրական ժառանգությունը նշող միջոցառումների։ 

Հարկ  է նշել, որ որը վերջին շաբաթներին ԱՄՆ-Մեծ Բրիտանիա հարաբերություններում որոշակի լարվածության է ենթարկվել՝ Մեծ Բրիտանիայի կողմից Իրանի դեմ պատերազմին ներգրավվելուց հրաժարվելու պատճառով։