Մեզ պետք է 2-3 երաշխավոր, որ ստանձնի պաշտպանել ՀՀ տարածքային ամբողջականությունը՝ հնարավոր հարձակումների դեպքում

Այս իշխանության օրոք 3 պատերազմ է եղել, ինքը՝ որպես բանակցող պատրաստված չի եղել: Այս մասին Ագարակ համայնքում հայտարարել է «Ուժեղ Հայաստանի» խորհրդի անդամ Նարեկ Կարապետյանը։

«Ընդդիմություն եղած ժամանակ պիտի պատրաստեին, ընդհանրապես ընդդիմություն եղած ժամանակ անձինք պիտի պատրաստվեն, որ երբ գան իշխանության, կարողանան բանակցել։ Ինքը զրոյական կետից սկսեց բանակցությունները»,-նշել է նա։

Կարապետյաի խոսքով՝ երբ դառնան իշխանություն, զրոյական կետից չեն սկսի. «Մենք եկել ենք խաղաղության պայմանագրի ստորագրման ժամանակահատվածում, այդպես կշարունակվի, Փաշինյանի պես չենք անելու»։