«Մի նշան է սարքել, կպցրել դոշին, կարծես ծովից ծով Հայաստանը հետ է բերել». Ծառուկյանը՝ Փաշինյանի մասին

«Բարգավաճ Հայաստան» կուսակցության նախագահ Գագիկ Ծառուկյանը խիստ քննադատության է ենթարկել Նիկոլ Փաշինյանին՝ հայտարարելով, որ վերջինս նախընտրական քարոզարշավի ընթացքում որևէ իրական ծրագիր չի ներկայացնում։

«Այսօր ինքն ի՞նչ ծրագիր է ներկայացնում։ Ոչ մի ծրագիր չունի»,- լրագրողների հետ զրույցում նշել է Ծառուկյանը։

ԲՀԿ առաջնորդն անդրադարձել է նաև գործող իշխանության վարած քաղաքականությանը և Փաշինյանի կեցվածքին՝ ընդգծելով, որ հանրությունն արդեն հոգնել է դրանից։

Ծառուկյանի խոսքով՝ իշխանության ձախողումներն ակնհայտ են.

• 8 տարվա ստեր, որոնք հանգեցրին ծանր հետևանքների,

• Տարածքային կորուստներ և մարդկային զոհեր,

• Ալիևին շնորհակալություն հայտնելու քաղաքականություն։

«Մասնատված Հայաստանի մի նշան է սարքել, կպցրել դոշին, կարծես առաջվա ծովից ծով Հայաստանը հետ է բերել»,- հավելել է Գագիկ Ծառուկյանը՝ շեշտելով, որ գործող իշխանությունն այլևս ունակ չէ որևէ դրական փոփոխություն բերել երկրին։