«Միասնության թևեր» կուսակցության անդամները քարոզարշավի 7-րդ օրը շրջել են Անի համայնքում

«Միասնության թևեր» կուսակցության անդամները քարոզարշավի 7-րդ օրը շրջել են Անի համայնքում և բնակիչներին ներկայացրել իրենց ծրագրերը:

Կուսակցության կառավարման խորհրդի անդամ Դավիթ Անանյանը հանդիպելով բնակիչների հետ ներկայացրել է իրենց տնտեսական, քաղաքական տեսլականը և ասել, որ Հայաստանը պետք է դառնա արդյունաբերական երկիր, և դրա համար յուրաքանչյուր տարածաշրջան պետք է ունենա իր արդյունաբերական գոտիները։

Դավիթ Անանյանն ասել է, որ առաջին արդյունաբերական գոտին կառուցելու են Աշոցքում, և դա պատահական ընտրություն չէ:

 Անանյանն ընդգծել է նաև, որ Հայաստանը միայն Երևանը չէ, և անհրաժեշտ է իրական ապակենտրոնացում՝ Երևանից դեպի մարզեր և սահմանամերձ համայնքներ։

Արման Թաթոյանի գլխավորած «Միասնության թևեր» կուսակցության քվեաթերթիկի համարն ընտրական ցուցակում 6-րդ է, ցուցակում ընդգրկված են 80 թեկնածու: