Միջազգային հարաբերությունների ֆրանսիական ինստիտուտը անդրադարձել է Երևանում կայանալիք գագաթնաժողովին

 Երևանում մայիսի 4-ին կայանալիք Եվրոպական քաղաքական համայնքի գագաթնաժողովը հայտնվել է Միջազգային հարաբերությունների ֆրանսիական ինստիտուտի ուշադրության կենտրոնում:  Ինստիտուտը նշում է , որ Եվրոպական քաղաքական համայնքի հերթական գագաթնաժողովը կանցկացվի Հայաստանի մայրաքաղաք Երևանում, ինչը հաջորդում է 2025 թ.-ին Ալբանիայում ու Դանիայում անցկացված գագաթնաժողովներին:

Անդրադարձ կատարելով գագաթնաժողովին, ինստիտուտը ընդգծում է, որ գագաթնաժողովն այս անգամ անցկացվում է Հարավային Կովկասի սրտում՝շեշտելով  նաև դրա աշխարհաքաղաքական նշանակությունը։

Նշվում է նաև, որ գագաթնաժողովը Հայաստանում անցկացնելը լավ հնարավորություն է գնահատելու Հայաստանի և Ադրբեջանի միջև կարգավորման գործընթացը հետկոնֆլիկտային շրջանում։

Ինստիտուտն անդրադառնում է նաև այն հանգամանքին, որ գագաթնաժողովի ուշադրության կենտրոնում կմնան ժողովրդավարական դիմադրողականությունը և հիբրիդային սպառնալիքները, որոնք առաջնահերթություն են շարունակում մնալ դեռևս նախորդ գագաթնաժողովներից:

Գագաթնաժողովի ընթացքում կկարևորվի նաև փոխկապակցվածության և էներգետիկայի ոլորտում համագործակցությանը։