Միրզոյան․ 300 հազար ադրբեջանցիների բնակեցման մասին տեղեկությունները անհեթեթություն են

ԱԳ նախարար Արարատ Միրզոյանը հերքել է տեղեկությունները, թե 300 հազար ադրբեջանցիներ պատրաստվում են բնակություն հաստատել Հայաստանում

ՀՀ արտաքին գործերի նախարար Արարատ Միրզոյանը լրագրողների հետ զրույցում հերքել է տեղեկությունները, թե 300 հազար ադրբեջանցիներ պատրաստվում են բնակություն հաստատել Հայաստանում։

Նախարարը նման պնդումները որակել է որպես «անհեթեթություն» և «հիվանդ երևակայության արդյունք»՝ ընդգծելով, որ դրանք իրականության հետ որևէ կապ չունեն։

Միրզոյանի խոսքով՝ նման թեզերի կրկնությունը կարող է լինել կամ տեղեկատվության սխալ ընկալման, կամ էլ միտումնավոր մանիպուլյացիայի հետևանք։