Մոտ ժամանակում Պուտինի և Փաշինյանի հանդիպում չի նախատեսվում․ Պեսկով

ՌԴ նախագահի մամուլի քարտուղար Դմիտրի Պեսկովը հայտարարել է, որ մոտ ժամանակում Ռուսաստանի նախագահ Վլադիմիր Պուտինի և ՀՀ վարչապետ Նիկոլ Փաշինյանի հանդիպում չի նախատեսվում, հայտնում է «Վեդոմոստի»–ն։

Նրա խոսքով՝ երկու առաջնորդները վերջերս արդեն հանդիպել են։ Պեսկովը նաև նշել է, որ Ռուսաստանն ու Հայաստանը շարունակում են երկխոսությունը ԵԱՏՄ շրջանակում և մնում են բարեկամ երկրներ։

Կրեմլի ներկայացուցիչը հիշեցրել է, որ Փաշինյանը նախկին բանակցությունների ընթացքում հայտնել էր՝ Հայաստանը մտադիր է պահպանել անդամակցությունը ԵԱՏՄ-ին՝ միաժամանակ զարգացնելով հարաբերությունները Եվրամիության հետ։