Նախընտրական քարոզարշավի շրջանակներում «Հանրապետություն» կուսակցության ներկայացուցիչներն այցելել են Կոտայքի մարզ

Արամ Սարգսյանը կոչ է արել բոլորին գնալ ընտրատեղամասեր և իրենց քվեն տալ 11 համարի օգտին։

Նախընտրական քարոզարշավի շրջանակներում «Հանրապետություն» կուսակցության ներկայացուցիչներն այցելել են Կոտայքի մարզ։Կուսակցության վարչապետի թեկնածու Արամ Սարգսյանը բնակիչների հետ հանդիպման ժամանակ ասել է, որ պետության, ժողովրդի պարտության պատասխանատուն ոչ միայն Հայաստանի երկրորդ նախագահ Ռոբերտ Քոչարյանն է, այլ այն մարդիկ, ովքեր ընտրություններում նրան իրենց ձայնն են տվել։

Իսկ Սամվել Կարապետյանի հետ կապված էլ ասել է, որ նա Պուտինի անձնական օլիգարխն է ու նաև անլուրջ մոտեցում է համարել , երբ մի քանի երկրի քաղաքացի համարվող օլիգարխը ցանկանում է վարչապետ դառնալ։

«Այդ մարդը պետությունն ու տունտունիկը խառնել է իրար։ Սա պետություն է, որը պետք է ղեկավարվի չափազանց ծանր աշխարհաքաղաքական իրավիճակների մեջ»,-ասել է նա։

Հանդիպման ժամանակ Արամ Սարգսյանը կոչ է արել բոլորին գնալ ընտրատեղամասեր և իրենց քվեն տալ 11 համարի օգտին։