Նախկին նախագահ ու օլիգարխ կոչվածները պետք է դուրս փսխվեն Հայաստանի քաղաքական կյանքից. Փաշինյան

«Պատերազմի եռագլուխ կուսակցություն» կոչվածները մանյակներ են, Շենգավիթում քարոզարշվի ժամանակ հայտարարել է ՔՊ վարչապետի թեկնածու, գործող ՀՀ վարչապետ Նիկոլ Փաշինյանը։

«Ես չեմ հասկանում՝ ինչ հաճույք է պատերազմի զոհերի թվը մեծացնել, կլորացնել ու դարձնել 5000, 6000, 7000։ Ըստ իրենց պլանավորածի՝ պատերազմի զոհերը պետք է շատ ավելին լինեին»,- ասել է նա։

Փաշինյանի հավաստմամբ՝ պատերազմի օրերին իր ընտանիքը, իր տղան եղել են առաջնագծում։

«Ով ինձ ասում է, որ ես բան եմ խնայել՝ սուտ է ասում»,- ասաց նա։

Փաշինյանը հայտարարել է, թե մաֆիան պետք է ոչնչանա, նրանք արդեն ծնկի եկած են։

«Որ ասում եմ՝ բոմժ են դառնալու, ասում են՝ «գիտեք ինչ, ինձ մինչև վերջ հնարավոր չէ ունեզրկել», նկատի ունի, որ կոշիկներն ու պիժաման լինելու են իր տիրապետության ներքո»,- ասել է նա։