Նարեկ Մալյանը հայտարարել է, որ ձեռնպահ կմնա ընդդիմության միասնական օրակարգի հասցեին հրապարակային քննադատությունից

Հասարակական գործիչ Նարեկ Մալյանն իր ֆեյսբուքյան էջում անդրադարձել է ընդդիմադիր ուժերի համախմբման գործընթացին՝ հայտնելով իր աջակցությունը միասնական օրակարգին։

Մալյանի գնահատմամբ՝ ընդդիմության համախմբումը երկար սպասված գործընթաց է, որի ուղղությամբ աշխատանքներ են իրականացվել տարիներ շարունակ։

Նա ընդգծել է, որ միասնականությունը պահպանելու համար անհրաժեշտ է հաղթահարել նախկին տարաձայնություններն ու քաղաքական պառակտումները։ Մալյանի խոսքով՝ համախմբման կազմակերպչական փուլը կարող է տևել մի քանի ամիս, որից հետո կմեկնարկի գործողությունների կարևոր փուլը։

Հասարակական գործիչը նաև հայտարարել է, որ այսուհետ ձեռնպահ կմնա գործընթացի վերաբերյալ սուր հրապարակային քննադատությունից և անվերապահ աջակցություն կհայտնի ընդդիմության միասնական օրակարգին։

Մալյանի համոզմամբ՝ առանց ընդդիմադիր ուժերի համախմբման իշխանափոխությունն անհնար է։