Նավթի գները շարունակում են բարձրանալ

Նավթի գները բարձրացել են ԱՄՆ-ի և Իրանի միջև խաղաղության բանակցությունների երկրորդ փուլի ծրագրերից հետո, որոնք կրկին դադարեցվել են։ Տեղեկատվությունը տարածում է «BBC»-ն:

Շաբաթ օրը ԱՄՆ նախագահ Դոնալդ Թրամփը հայտարարել է, որ Վաշինգտոնը չեղարկել է Պակիստան իրանցի գործընկերների հետ բանակցություններ վարելու համար խումբ ուղարկելու ծրագրերը։

Աշխարհի հում նավթի և հեղուկացված բնական գազի (ՀԲԳ) մոտ մեկ հինգերորդը սովորաբար անցնում է Հորմուզի նեղուցով և այդ է պատճառը, որ նավթի գները շարունակում են աճել:

Բրենտ նավթի գինը բարձրացել է ավելի քան 10%-ով այն բանից հետո, երբ Թրամփը անցյալ շաբաթ հայտարարեց , որ կերկարաձգի Թեհրանի հետ հրադադարը՝ նրա ղեկավարությանը հնարավորություն տալով ներկայացնել «միասնական առաջարկ»։

BNP Paribas-ի պորտֆելի մենեջեր և ռազմավար Սոֆի Հույնն ասել է, որ նեղուցի շարունակական փակումը կարող է ազդել ամեն ինչի գնի վրա՝ սկսած «աղբամաններից մինչև դեղորայք»։

Սոֆի Հույնը կարծում է, որ, եթե ​​նեղուցը փակ մնա մի քանի շաբաթից ավելի, հետևանքներն իսկապես լուրջ կլինեն:

Ամբողջ աշխարհում շարունակում են աճել նավթի գները, իսկ նավթի առևտրով զբաղվողները սպասում են հակամարտության մեղմացման «հավաստի» ապացույցների: