«Նոր ուժ» կուսակցությունը քարոզարշավ է անցկացրել Գյումրի քաղաքում

«Նոր ուժ» կուսակցությունը քարոզարշավ է անցկացրել Գյումրի քաղաքում։ Կուսակցության  նախընտրական ցուցակի առաջին համար, Երևանի նախկին քաղաքապետ Հայկ Մարությանը կուսակցության անդամների հետ շրջել է քաղաքում, շփվել քաղաքացիների հետ, հորդորել է անպայման մասնակցել ընտրություններին և քվեարկել «Նոր ուժ» կուսակցության օգտին, որի քվեաթերթիկը համար 5-ն է։

Կուսակցությունը հայտարարել է, որ իր նախընտրական ծրագրի հիմքում յոթ հիմնական ուղղություններ են։

Դրանց թվում են՝ եվրոպական ինտեգրացիան որպես արտաքին քաղաքականության և զարգացման առաջնահերթություն, օնլայն խաղատների և շահումով խաղերի արգելումը, բազմազավակ ընտանիքների համար արտոնությունների տրամադրումը, անվճար բարձրագույն կրթության ապահովումը, հարկային բեռի թեթևացումը, կոռուպցիոն հանցանքների համար վաղեմության ժամկետի վերացումը և ազգային արժեքներին վերադարձը։