Ո՞ր դեպքում «Ուժեղ Հայաստանը» կվերցնի մանդատները․ Սամվել Կարապետյանի պատասխանը

«Ուժեղ Հայաստանը» դաշինքը մանդատները կվերցնի, եթե կարծի, որ Նիկոլ Փաշինյանին այդ ճանապարհով ավելի արագ կհեռացնի իշխանությունից։ Հակակոռուպցիոն դատարանի մոտ լրագրողների հետ զրույցում հայտարարել է ուժի առաջնորդ Սամվել Կարապետյանը։

Կարապետյանի խոսքով՝ Փաշինյանն ընտրություններում չի հաղթել։ Ասում է՝ եթե ՔՊ-ն վստահ է, թե իրենք հաղթել են, արդյունքները լեգիտիմացնելու համար պետք է համաձայնեն երկրորդ փուլի։

 

«Հայաստանը պետք է ունենա լեգիտիմ իշխանություն, որ երկիրը զարգանա»,- նշել է Կարապետյանը։

 

Ըստ Կարապետյանի՝ երկրորդ փուլն ավելի հեշտ կլինի, որովհետև ձայները փոշիացնողները չեն լինի։