Օդեսայի ափերի մոտ անօդաչու թռչող սարքերով հարձակման է ենթարկվել Ադրբեջանի քաղաքացիների տեղափոխող նավը

Թուրքական Okean Maritime ընկերությանը պատկանող Atlas Bey քաղաքացիական առևտրային նավը Օդեսայի ափերի մոտ անօդաչու թռչող սարքերով հարձակման է ենթարկվել ։

Այս մասին հայտնել է Ադրբեջանի արտաքին գործերի նախարարությունը, հայտնում են ադրբեջանական լրատվամիջոցները։

«Նավում գտնվել է Ադրբեջանի Հանրապետության 11 քաղաքացի։ Ըստ առկա տեղեկությունների, բացառությամբ նավի կապիտանի, որը Ադրբեջանի քաղաքացի է, անձնակազմի մնացած անդամները ափ են իջել Օդեսայում։ Նրանց վիճակը գնահատվում է բավարար։

Ներկայում աշխատանքներ են տարվում նավի կապիտանին գտնելու համար։ Ուկրաինայում Ադրբեջանի դեսպանատունը մշտական ​​կապի մեջ է համապատասխան մարմինների հետ և ձեռնարկում է անհրաժեշտ միջոցներ՝ Ադրբեջանի քաղաքացիներին հյուպատոսական օգնություն ցուցաբերելու համար», - ասվում է Արտաքին գործերի նախարարության հայտարարության մեջ։