Ուրսուլա ֆոն դեր Լայենը կայցելի Բաքու, ապա՝ Երևան. Եվրահանձնաժողովի նախագահը հայտարարություն է արել

Եվրոպական հանձնաժողովի նախագահ Ուրսուլա ֆոն դեր Լայենը Բաքու կատարելիք այցի շեմին գրառում է արել՝ անդրադառնալով տարածաշրջանային հեռանկարներին։ Նա ընդգծել է, որ Եվրամիությունը հավատում է Հարավային Կովկասի խաղաղ, բարգավաճ և պայծառ ապագային, ու ցանկանում է օգնել ձևավորել այդ ապագան։

Եվրահանձնաժողովի նախագահը նշել է, որ Ադրբեջան է ժամանում՝ ԵՄ-ի և Բաքվի միջև գործընկերությունն ավելի խորացնելու նպատակով։ Համագործակցության օրակարգն ընդգրկուն է՝ «առևտրից մինչև տրանսպորտ, էներգետիկայից մինչև տնտեսություն»։

Բաքվում նախատեսված հանդիպումներից հետո Եվրոպական հանձնաժողովի նախագահը կժամանի Երևան։