«Ուժեղ Հայաստան» դաշինքը նախընտրական քարոզարշավը շարունակել է Արարատի մարզի Մասիս քաղաքում

«Ուժեղ Հայաստան» դաշինքը նախընտրական քարոզարշավը շարունակել է Արարատի մարզի Մասիս քաղաքում։ Դաշինքի անդամները հանդիպել են Մասիսի բնակիչների հետ և քննարկել նրանց հուզող խնդիրները։

«Մեր ծրագիրը երկրում գյուղատնտեսական փոփոխություններ իրականացնելն է, հատկապես՝ Արարատյան դաշտի այս տարածաշրջանում։ Մենք տեսնում ենք, որ այս ոլորտը կարող է մեծ միջոցներ և հնարավորություններ բերել մեր երկրին։ Ամբողջ աշխարհում կա մեր բերքի պահանջարկը, բայց մինչ օրս չենք կարողացել այն պատշաճ կերպով հասցնել արտաքին շուկաներ։Մենք հենց դրանով ենք զբաղվելու։ Դա ամենահեշտ գործերից մեկն է, բայց նաև՝ ամենաարդյունավետներից»,-նշել է«Ուժեղ Հայաստան»-ի ցուցակի առաջին համար Նարեկ Կարապետյանը:

Նարեկ Կարապետյանը նաև հայտնել է, որ «Ուժեղ Հայաստան»-ի ծրագրով պարտադիր զինվորական ծառայության մեջ գտնվող զինծառայողների ընտանիքները ծառայության 1.5 տարվա ընթացքում կստանան ամսական 40 հազար դրամ աջակցություն։