Քաղաքականություն
27 օգոստոսի 2026 • 15:09
«Ուժեղ Հայաստան»-ը դատապարտում է Ռոբերտ Քոչարյանի ընտանիքի նկատմամբ իրականացվող գործողությունները՝ դրանք որակելով «քաղաքական հետապնդում»
Կուսակցությունից ընդգծել են, որ իրավական պետությունում արդարադատությունը պետք է լինի օրենքի և արդարության անկախ երաշխավորը, այլ ոչ թե իշխանության հրահանգների կատարողը։

«Ուժեղ Հայաստան» կուսակցությունը հանդես է եկել հայտարարությամբ՝ խստորեն դատապարտելով ՀՀ երկրորդ նախագահ Ռոբերտ Քոչարյանի և նրա ընտանիքի անդամների նկատմամբ իրավապահների իրականացրած գործողությունները։
Քաղաքական ուժի գնահատմամբ՝ տեղի ունեցողը քաղաքական հետապնդման նոր դրսևորում է, որը վկայում է իրավական գործընթացների մեջ իշխանությունների ուղղակի միջամտության մասին։
«Սա առանձին անձի կամ ընտանիքի խնդիր չէ, այլ պետական ինստիտուտների անկախությունը խաթարող գործելաոճ։ Խստորեն դատապարտում ենք գործադիր իշխանության ցանկացած ուղղակի կամ անուղղակի միջամտություն դատական և իրավապահ գործընթացներին»,- նշված է հայտարարության մեջ։
Կուսակցությունից ընդգծել են, որ իրավական պետությունում արդարադատությունը պետք է լինի օրենքի և արդարության անկախ երաշխավորը, այլ ոչ թե իշխանության հրահանգների կատարողը։
Կարդացեք նաև
Քաղաքականություն8 նոյեմբերի 2026
«Տեր-Պետրոսյանը, Քոչարյանն ու Սարգսյանը եղել ու շարունակում են լինել Հայաստանի անկախության գլխավոր թշնամիները»․ Ռուբեն Ռուբինյան
«Կալուգյան վարձկանները պարտվելու են անկախ Հայաստանին»
Քաղաքականություն8 նոյեմբերի 2026
Բաքվի նոր էժանագին քարոզչական հնարքը․ հակահայկական թեզը՝ իբրև հայի հայտարարություն
Ադրբեջանական իշխանամետ շրջանակները շարունակում են իրենց հակահայկական քարոզչությունը՝ առաջ մղելով հերթական վտանգավոր թեզը, թե հարևան պետության մայրաքաղաք Երևանն ադրբեջանական է։
Քաղաքականություն4 նոյեմբերի 2026
Միչիգանից ընտրված սենատոր Աբդուլ Էլ-Սայեդը խոստացել է պաշտպանել Հայաստանի և հայ ժողովրդի իրավունքները
ԱՄՆ Սենատի ընտրություններում հաղթած Աբդուլ Էլ-Սայեդը հայտարարել է, որ սատարելու է հայ ժողովրդին՝ պաշտպանելով նրա անվտանգությունը, արժանապատվությունն ու ինքնորոշման իրավունքը։