«Ուժեղ Հայաստան» կուսակցության անդամների մասնակցությամբ ընտրակաշառքի դեպք է բացահայտվել

Հակակոռուպցիոն կոմիտեի կողմից իրականացված միջոցառումների արդյունքում փաստական տվյալներ են ստացվել այն մասին, որ  «Ուժեղ Հայաստան» կուսակցության անդամների և նրանց հետ համագործակցող հասարակական կազմակերպությունում որպես աշխատակից գրանցված մի խումբ անձանց կողմից Արարատի մարզի Արտաշատ համայնքի մի շարք ընտրողների ընտրակաշառք է բաժանվել, այս մասին հայտնում են ՀՀ Հակակոռուպցիոն կոմիտեից։

Ըստ նախնական տվյալների՝ հանցավոր գործունեությունը թաքցնելու և չբացահայտվելու նպատակով խմբի անդամները միմյանց հետ կապ են հաստատել ինտերնետային հավելվածների միջոցով։

Դեպքի առթիվ նախաձեռնվել է քրեական վարույթ՝ ՀՀ քրեական օրենսգրքի համապատասխան հոդվածներով։ Իրականացվել են մի շարք խուզարկություններ, ինչի արդյունքում ձերբակալվել է մեկ տասնյակից ավելի անձ։