Փաշինյանը ևս մեկ հայց է ներկայացնելու Սամվել Կարապետյանի կամ «Ուժեղ Հայաստանի» դեմ

Մայիսի 27-ին Նիկոլ Փաշինյանը «Արմենիա» հեռուստաընկերությանը տված հարցազրույցում անդրադառնալով «հայերի՝ Ադրբեջան գնալու և ադրբեջանցիների՝ Հայաստան գալու» մասին հարցին, ասել էր, թե խոսքը կարող է լինել որպես զբոսաշրջիկ գալու մասին։

ՀՀ վարչապետ, «Քաղաքացիական պայմանագիր» կուսակցության վարչապետի թեկնածու Նիկոլ Փաշինյանը պատրաստվում է ևս մեկ հայց ներկայացնել Սամվել Կարապետյանի կամ «Ուժեղ Հայաստանի» դեմ։

«Եվս մի դատական հայց եմ ներկայացնելու․ հեղինակը կա՛մ կուսակցությունն էր, կա՛մ անձ էր, որովհետև երեկ «Արմենիա» հեռուստաընկերությանը տված հարցազրույցից հետո հայտարարել են, որ ես հաստատել եմ, թե 300 հազար ադրբեջանցի է գալու կամ վերաբնակեցվելու Հայաստանում։ Ակնհայտ է, որ 3-րդ ներողությունը պետք է խնդրի Սամվել Կարապետյանը»,- ասել է Փաշինյանը։

«Խաղաղություն է, և X պահին նաև այդ կետն է հասնելու»,- ասել է Նիկոլ Փաշինյանը։