Փաշինյանը հերքեց Արայիկ Հարությունյանի վերաբերյալ մտահոգիչ տեղեկություններ ստանալու լուրերը

ՀՀ վարչապետ Նիկոլ Փաշինյանը հայտարարեց, որ իրեն Արայիկ Հարությունյանի վերաբերյալ որևէ մտահոգիչ տեղեկություն չի զեկուցվել։ Կառավարության ղեկավարն այս մասին ասաց՝ անդրադառնալով մամուլում շրջանառվող այն լուրերին, թե ինքը որոշել է վերջինիս չվերանշանակել զբաղեցրած պաշտոնում և «արժանացնել» Ազգային ժողովի նախկին նախագահ Ալեն Սիմոնյանի ճակատագրին։ Այս մասին ասել է ՀՀ վարչապետ Նիկոլ Փաշինյանը Կառավարության ճեպազրույցի ժամանակ։

Հիշեցնենք, որ ավելի վաղ «Ժողովուրդ» օրաթերթը, հղում անելով իր աղբյուրներին, գրել էր, թե Արայիկ Հարությունյանն, ամենայն հավանականությամբ, չի վերանշանակվի նույն պաշտոնում։

Ըստ թերթի տեղեկությունների՝ վարչապետ Փաշինյանը խիստ դժգոհ է մնացել թե՛ նախընտրական շտաբի կատարած աշխատանքից, թե՛ իրեն ներկայացված քաղաքական տեղեկատվության որակից։ Լրատվամիջոցը նշել էր, որ այս համատեքստում Հարությունյանը դառնում է երկրորդ բարձրաստիճան պաշտոնյան, որը հրաժեշտ կտա իր պաշտոնին։