Փաշինյանն ու Էրդողանը քննարկել են Հայաստան–Թուրքիա հարաբերությունների կարգավորման գործընթացը

Թուրքիայի Հանրապետության նախագահի հանրային կապերի վարչությունը հաղորդագրություն է տարածել ՀՀ վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի հեռախոսազրույցի վերաբերյալ։

Հաղորդագրության համաձայն՝ վարչապետ Նիկոլ Փաշինյանը շնորհավորել է նախագահ Էրդողանին Քուրբան Բայրամի առթիվ։ Զրույցի ընթացքում կողմերը քննարկել են նաև Հայաստան–Թուրքիա հարաբերությունների կարգավորման գործընթացը և տարածաշրջանային զարգացումները։

Նախագահ Էրդողանը նշել է, որ Հայաստանի և Թուրքիայի միջև հարաբերությունների կարգավորման գործընթացը շարունակվում է՝ ուղիղ առևտրի մեկնարկին ուղղված քայլերի միջոցով։

Նա նաև ընդգծել է, որ Թուրքիան շարունակում է ջանքեր գործադրել տարածաշրջանում խաղաղության և կայունության հաստատման ուղղությամբ և պատրաստ է աջակցել այդ նպատակին միտված բոլոր նախաձեռնություններին։