Պեսկովը հայտարարել է, որ Ուկրաինայի հետ հակամարտությունը կարող է ավարտվել մինչև օրվա վերջ, եթե Ուկրաինայի զինված ուժերը «լքեն Ռուսաստանի շրջանները»

Ռուս-ուկրաինական խաղաղության գործընթացը ներկայում կասեցված է, սակայն ԱՄՆ ներկայացուցիչների հետ շփումները շարունակվում են։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։

Նա  վերահաստատել է, որ Ռուսաստանը բաց է մնում խաղաղության շուրջ բանակցությունների համար և պատրաստ է խաղաղ ճանապարհով լուծել Ուկրաինայի հետ հակամարտությունը: Այնուամենայնիվ, ըստ Պեսկովի, եթե Ուկրաինան շարունակի ձգձգել գործընթացը և հրաժարվի լուրջ որոշումներ կայացնել խաղաղ կարգավորման հասնելու համար, «հատուկ ռազմական գործողությունը» կշարունակվի:

Պեսկովը նաև շեշտել է, որ Ուկրաինայի հետ հակամարտությունը կարող է ավարտվել մինչև օրվա վերջ, եթե Ուկրաինայի զինված ուժերը «լքեն Ռուսաստանի շրջանները»։