Politico․ Թրամփի վարչակազմը կենտրոնացած է ոչ թե համակարգման, այլ եվրոպական երկրներին պատժելու վրա

ԱՄՆ նախագահ Դոնալդ Թրամփի վարչակազմի վերջին որոշումները ցույց են տալիս, որ Սպիտակ տունը գնալով ավելի քիչ է կենտրոնանում եվրոպական դաշնակիցների հետ համագործակցության վրա և ավելի շատ՝ նրանց վրա ճնշում գործադրելու, Իրանի և Ուկրաինայի շուրջ աճող տարաձայնությունների ֆոնին, այս մասին գրում է Politico-ն։

Վաշինգտոնում ուժեղանում է դժգոհությունը եվրոպական մի շարք երկրների դիրքորոշումից, որոնք չեն շտապում աջակցել Իրանի նկատմամբ ԱՄՆ-ի կոշտ գծին։ Այս ֆոնին, Politico-ի գնահատմամբ, Թրամփի վարչակազմը ոչ թե Եվրոպայի հետ գործողությունները համակարգելու, այլ եվրոպական տերություններին «դատապարտելու և, հնարավոր է, նույնիսկ պատժելու» պատրաստակամություն է ցույց տալիս։

Պարբերականը նշում է՝ վերջին շաբաթներին Սպիտակ տան ուշադրությունը նկատելիորեն տեղափոխվել է ուկրաինական ճգնաժամից դեպի մերձավորարևելյան ուղղություն և Իրանի հետ հնարավոր առճակատում։ Միաժամանակ ԱՄՆ-ի և ԵՄ-ի միջև հարաբերություններում լարվածությունն աճում է, այդ թվում՝ Թրամփի կողմից եվրոպացի առաջնորդների հասցեին հնչող քննադատության և Եվրոպայում ամերիկյան ռազմական ներկայության հնարավոր կրճատման քննարկումների պատճառով։