Պուտինն ու Փաշինյանն առանձին հանդիպում կունենան

ՀՀ վարչապետ Նիկոլ Փաշինյանն ապրիլի 1-ին աշխատանքային այցով ուղևորվել է Ռուսաստանի Դաշնություն։ 

Այցի շրջանակում Մոսկվայում տեղի կունենա վարչապետ Փաշինյանի հանդիպումը ՌԴ նախագահ Վլադիմիր Պուտինի հետ:

ՌԴ նախագահի մամուլի քարտուղար Դմիտրի Պեսկովը լրագրողներին հայտնել է, որ Պուտինը և Փաշինյանը նախատեսում են բանակցությունների ընթացքում անհատական քննարկում ունենալ:

«Բանակցությունները տեղի կունենան այսօր։ Այնուհետև երկու առաջնորդները կշարունակեն իրենց անհատական քննարկումները աշխատանքային ճաշի ընթացքում», - լրագրողներին ասել է Պեսկովը։