ՌԴ ԱԳՆ. ՀԱՊԿ-ը Հայաստանի հետ ռազմական ոլորտում չի համագործակցում

Հավաքական անվտանգության պայմանագրի կազմակերպությունը (ՀԱՊԿ) ռազմական ոլորտում չի փոխգործակցում Հայաստանի հետ։ Այս մասին «ՌԻԱ Նովոստի» գործակալությանը հայտնել է ՌԴ ԱԳՆ ՍՊՀ երկրների առաջին դեպարտամենտի տնօրեն Միքայել Աղասանդյանը։

«Այս պահին ՀԱՊԿ գծով Հայաստանի հետ համագործակցություն ռազմական, ռազմատեխնիկական և այլ ոլորտներում չի իրականացվում»,— ընդգծել է ռուս դիվանագետը։

Հիշեցնենք, որ ավելի վերջերս ՀՀ վարչապետ Նիկոլ Փաշինյանը հայտարարել էր, որ շատ գոհ կլինի, եթե Հայաստանին հեռացնեն ՀԱՊԿ-ից։ Նա նաև նշել էր, որ Երևանը մոտ ապագայում Եվրոպական միությանը (ԵՄ) անդամակցելու հայտ ներկայացնելու որոշում կկայացնի։

2025 թվականին Հայաստանի Ազգային ժողովն ընդունել էր «Եվրոպական միությանը Հայաստանի Հանրապետության անդամակցության գործընթացի մեկնարկի մասին» օրենքի նախագիծը, որով պաշտոնապես հռչակվել էր երկրի պրոեվրոպական արտաքին քաղաքական կուրսը: Իսկ ՀՀ արտգործնախարար Արարատ Միրզոյանը 2025 թվականի հոկտեմբերին հայտարարել էր, որ Երևանը կարող է միությանը միանալու հայտ ներկայացնել 2026 թվականին։