ՌԴ առևտրային ներկայացուցիչ. Ադրբեջանը մնում է Ռուսաստանի գլխավոր գործընկերներից մեկը Հարավային Կովկասում

Ադրբեջանը շարունակում է մնալ Հարավային Կովկասում Ռուսաստանի հիմնական գործընկերներից մեկը։ Այս մասին հայտարարել է Ադրբեջանի Հանրապետությունում ՌԴ առևտրային ներկայացուցիչ Ադամ Հակիմովը, հայտնում են ադրբեջանական ԶԼՄ-ները:

Նրա խոսքով՝ ռուսական ընկերությունների համար գլխավոր առաջնահերթություններից է սեփական ներկայության ընդլայնումը, ներառյալ՝ գործունեության ծավալումը ազատագրված (օկուպացված) տարածքներում։

Հակիմովը նաև ընդգծել է, որ Ռուսաստանի համար հատուկ հետաքրքրություն են ներկայացնում Ադրբեջանում գործող հատուկ տնտեսական գոտիները, տեխնոպարկերն ու արդյունաբերական պարկերը։ Դրանք, ըստ պաշտոնյայի, հնարավորություն կտան տեղայնացնել ռուսական արտադրանքը և հետագայում այն արտահանել արտասահմանյան այլ շուկաներ։