ՌԴ դեսպանը կանչվել է Ադրբեջանի ԱԳՆ․ Բաքուն բողոքի նոտա է հղել Մոսկվային

Ադրբեջանում ՌԴ դեսպան Միխայիլ Եվդոկիմովը կանչվել է Ադրբեջանի ԱԳՆ, որտեղ ռուսական կողմին է փոխանցվել Բաքվի վճռական բողոքը՝ ռուսաստանյան մեդիատիրույթում Ադրբեջանի և նրա ղեկավարության հասցեին հնչած սադրիչ ու սպառնալից հայտարարությունների կապակցությամբ։

Ադրբեջանական կողմն առանձնանացրել է «Чистота понимания» նախագծում, «Սպուտնիկ» ռադիոյով, YouTube-ում և «Սպաս» հեռուստաալիքով հեռարձակված նյութերը, որոնցում, ըստ Բաքվի, հնչել են վիրավորական հայտարարություններ և ներքաղաքական գործընթացներին միջամտելու կոչեր։

ԱԳՆ-ն ընդգծել է, որ ֆիզիկական բռնության կոչերն անընդունելի են, և Ռուսաստանից պահանջել է անհապաղ միջոցներ ձեռնարկել նման հռետորաբանությունը դադարեցնելու համար։