Ռուսական զինված ուժերը Սև ծովում հրթիռային հարվածով խոցել են թուրքական քաղաքացիական նշանակության «Ոսկե առյուծ» նավը

Ռուսական զինված ուժերը Սև ծովում  հարվածով խոցել են թուրքական քաղաքացիական նշանակության «Ոսկե առյուծ» նավը։ Հարձակման հետևանքով հայտնաբերվել են նավի անձնակազմի զոհված չորս անդամների մարմինները։

Ըստ վերջին տվյալների՝ ռուսական հարձակման հետևանքով զոհվածների ընդհանուր թիվը հասել է 10-ի՝ ինը օտարերկրյա անձնակազմի անդամ և մեկ ուկրաինացի նավավար։

Զոհերի թվի վերաբերյալ տեղեկությունը UNIAN-ին հայտնել է Օդեսայի մարզային դատախազության մամուլի ծառայությունը։

 «Հուլիսի 20-ի առավոտվա դրությամբ հայտնի է, որ քաղաքացիական օտարերկրյա նավի վրա թշնամու հարձակման հետևանքով զոհվել է 10 մարդ։ Եվս յոթ մարդ վիրավորվել է», - տեղեկացրել է Օդեսայի մարզային դատախազության մամուլի ծառայությունը  ։

Մամուլի ծառայությունը ընդգծել է, որ զոհվածների թվում են 19-ից 53 տարեկան օտարերկրյա նավաստիներ, ինչպես նաև 66-ամյա ուկրաինացի նավավար։ «Քրեական գործ է հարուցվել Ուկրաինայի քրեական օրենսգրքի 438-րդ հոդվածի 2-րդ մասի՝ մարդկային զոհերի պատճառ դարձած ռազմական հանցագործությունների հատկանիշներով», - հայտնել է դատախազությունը։