Ռուսաստանը հայկական արտադրանքը կարող է փոխարինել ադրբեջանականով․ Բորիս Տիտով

Եթե Հայաստանի և Ռուսաստանի միջև տնտեսական կապերը խզվեն, Հայաստանը կբախվի տնտեսական դժվարությունների։ Իսկ ռուսական շուկայում հայկական արտադրանքի մի մասը կփոխարինվի ադրբեջանական արտադրանքով։ Այս մասին հայտնել է Ռուսաստանի նախագահի հատուկ ներկայացուցիչ Բորիս Տիտովը ադրբեջանական ԶԼՄ–ներին։

Նրա խոսքով՝ հետևանքներն առաջին հերթին կազդեն Հայաստանի տնտեսության վրա և կարող են անդրադառնալ ինչպես էներգետիկ ոլորտին, այնպես էլ պարենային շուկային։ Տիտովը նշել է, որ Հայաստանի համար էներգակիրների գները կարող են մոտենալ եվրոպական մակարդակին, իսկ ներքին շուկայում պարենամթերքի գներն՝ աճել։

«Իսկ մենք, իհարկե, այն, ինչ կկորցնենք Հայաստանում, կփոխարինենք, օրինակ, նույն Ադրբեջանով», — ասել է Տիտովը։